In phoenicoptero
Phoenicopterum eliberas,
lauas, ornas, includis in caccabum, adicies aquam, salem, anethum
et aceti modicum. Dimidia coctura alligas fasciculum porri et
coriandri, ut coquatur. Prope cocturam defritum mittis, coloras.
Adicies in mortarium piper, cuminum, coriandrum, laseris radicem,
mentam, rutam, fricabis, suffundis acetum, adicies caryotam,
ius de suo sibi perfundis. Reexinanies in eundem caccabum, amulo
obligas, ius perfundis et inferes. Idem facies et in psittaco.